Izaro Andres musikariak ‘Arkitektura 2027’ biraren lehen hogei datak iragarri ditu. Donostiako Kursaalen abiatuko du bira otsailaren 13an eta Donibane Lohizune (otsailak 19, Tanka), Iruñea (otsailak 20, Baluarte) eta Bilbotik (otsailak 27, TBA) pasata, Estatu espainolean ibiliko da bira Dublin, Londres, Paris eta Bruselara eraman aurretik. Iragarritako azkeneko data Belgikako hiriburukoa da, azaroaren 20an. 

Aurretik, urtarrilaren 23an saio berezia antolatu du Irungo Ficoban: bertako bi pabilioietan ‘sormen tailer’ bat eskaini zuela aurreratu zuen. Saio hauetarako sarrerak agortuta daude. 

Donostiako Kursaaleko eta Donibane Lohizuneko Tankako kontzertuetarako sarrerak asteazken honetan bertan jarri dira salgai, eta ostiralean 12.00etatik aurrera beste zenbait kontzertutarako sarrerak ere eskuragarri egongo direla iragarri dute, webgune honetan. 

Izaro otsailean agertu zen David Broncanok gidatzen duen ‘La revuelta’ saioan abenduan disko berria argitaratuko zuela iragartzeko. «Bi bihotzekin» egin duen lehen diskoa izango dela ere esan zuen, une hartan haurdun baitzegoen mallabiarra. Orduan ia zazpi hilabeteko zegoela esan zuen, baita haurra neskatoa dela ere. Diskoa, aldiz, abenduan argitaratzeko asmoa zuela esan zuen.